Мы Iофым хэлэжьэнхэу хэхэсым щыщ Адыгэхэри Налчик къэкIуагъэх ау Iофыр ащ къыщымыуцоу хьакIэхэр Краснодар шъолъырым закъырагъэплъэхьынэу ащагъэх.
ЗэрэтшIошIырэмкIэ хэхэс хьакIэхэр Шъачэ олимпиадыр зыщашIыщт чIыпIэм алъэшъунхи, ахэр олимпиадэм дырагъащтырэм фэдэу къагъэлъэгъощтых.
Мы Iофым гъэшIэгъонэу хэлъыр олимпиадэм зэрэдырагъащтэра е зэрэдырамыгъащтэра арэп ау ахэр шъэфэу Шъачэ зэрэкIощтхэр ары. Хэхэс хасэхэм ятхьэматэхэр Налчик университым имэфэкI хэлэжьэнхэу къэкIуагъэхэу ары. Мыхэр хасэу къэзыгъэкIуагъэхэм къэбар яIэп ахэр Шъачэ зэрэкIощтхэр. Джащ фэдэу шъэфэу е хъорышэрыгъэ хэлъэу хасэ тхьэматэ зыфэпIощтхэм Iофыр къырафэкIы. Мыхэм хасэ къызыщыдикIыгъэхэм Шъачэ олимпиадэм тыкIощт араIуагъэп сыда пIомэ а хасэм хэтхэм мыразэныгъэ е бырсыргорэ къаIэтыныр ити ары.
ХьакIэхэр Шъачэ олимпиадэм зилъэшъухэрэр къэшIэъуаеп, ахэр Адыгэ республикэхэм япащэхэр ары.
Гъуащэ Къызбэч
No comments:
Post a Comment
Note: Only a member of this blog may post a comment.