Зэгорэм зы Адыгэгорэ нэмыкI Адыгэгорэу тхакIо фэдэу икъуаджэ фэгъэхьыгъэу тхылъ зитхыгъэм еупчIыгъ: хьэр чъые зыхъукIэ сыда ипэ икъэцыпэ идэжь Iулъэу мэчъые?
СшIэрэп ыIуагъ тхакIом.
УмышIэрэмэ сыда тхылъ сытхыщт пIоу уфежьэ. Сыда къуаджэм лIакъоу дэсыхэм яцIэхэр зэотхыхэм тилIакъо ицIэ умытхыгъ ыIуи рыIожьыгъ.
Сыхэукъуагъ, тхылъ тедзапIэр хэукъуагъ, кIуагъ кIожьыгъ ыIуагъ тхакIом .
Ащгъум ситхакIо пIоу ухэмыт, тхылъи умытхымэ нахьышIу рыIожьыгъ.
ЗэриIуагъэу фэдэу, Адыгабзэ шъумышIэрэмэ сыда Адыгэ Макъ къыдэтэгъэкIы шъуIоу гъогум шъутет. Апэу Адыгабзэ зэжъугъашIи ытIанэ къыдэжъугъэкI зыгорэ.
Адыгэ Макъым мары и Адыгабзэ, мыАдыгэ гущыIэхэр къыхэтIэтIых:
Аэротуризмэр гъэшIэгъоныщт
Адыгеим зыщагъэпсэфынэу цIыфхэр нахьыбэу къещэлIэгъэнхэм фэшI туризмэм пылъ къулыкъухэм аужырэ лъэхъаным зэхэхьэ гъэшIэгъонхэр рагъэкIокIыхэу рагъэжьагъ.
Мы мафэхэм Адыгеим авиаэкспедицие щызэхащагъ. Ащ кIэщакIо фэхъугъэхэр Урысые географическэ обществэм икъутамэу тиреспубликэ щыIэм ипащэу Игорь Огайрэ «ПараавиаМото» зыфиIорэ еджапIэу Подмосковьем щызэхэщагъэм ипащэу, Мыекъуапэ щыщэу Игорь Потапкинымрэ. Ахэм къызэраIорэмкIэ, паралетхэмрэ мотопарапланхэмрэ уарысэу къэббыбыхьащт маршрутхэр цIыф пстэуми ашIогъэшIэгъоныщтых.
— Экстрим-турым хэлэжьэрэ экипажхэр 8 мэхъух, Москва, Краснодар краим, Адыгеим цIыфхэр къарыкIыгъэх. АвиазекIоныр зышIомыгъэшIэгъонын цIыф щыI Iоу сшIэрэп. Сыда пIомэ узэсагъэу, мафэ къэс плъэгъурэ чIыпIэхэр парапланым уисэу, ышъхьагъкIэ укъеплъыхызэ зэбгъашIэхэмэ тхъагъо ыкIи гъэшIэгъоны, — еIо И. Потапкиным.
Экспедицием ипрограммэ къыдилъытэрэр бэ, ар чъэпыогъум и 30-м рагъэжьагъ, шэкIогъум и 5-м нэс кIощт. Ащ хэлажьэхэрэм гъэхъунэхэу «Богатырский», «Пятигорский» зыфиIохэрэр ошъогум итхэу къаплъыхьэгъахэх. ЧIыпIэ дахэхэм видеокамерэкIэ сурэтхэр атырахых, туристхэм апае маршрутыкIэхэр зыщыбгъэнэфэн плъэкIыщт чIыпIэхэр зэрагъашIэх.
Джащ фэдэу къушъхьэтхэу Азиш-тау къабыбыхьащт, етIанэ Гъозэрыплъэ ыкIи Кавказскэ биосфернэ заповедникым лъэсэу къыщакIухьащт.
Техникэу агъэфедэщтыр агъэхьазырыфэкIэ экспедицием хэтхэм Каменномостскэм пэмычыжьэу аммонитхэм ямузееу щыIэр зэрагъэлъэгъугъ, къалэу Мыекъуапэ къаплъыхьагъ.
Адыгеим туризмэм зырагъэушъомбгъунэу зыщыпыхьагъэхэм къыщегъэжьагъэу ащ фэдэ авиационнэ экскурсие зэрэзэхащагъэр апэрэ. ЗэхэщакIохэм къызэраIорэмкIэ, экстремальнэ турхэр зикIэсэ цIыфхэм аэротуризмэри агу рихьыщт. Джипингыр, каньонингыр, рафтингыр, спелеологиер зикIасэхэр чIыпIэ чыжьэхэм къарэкIыхэшъ, Адыгеим къэкIох. Ошъогу техникэм исэу тикъушъхьэхэр, псыкъефэххэр, чIыопсым исаугъэтхэр къэзыплъыхьэ зышIоигъощтхэр бэу къызэрахэкIыщтхэм И. Огайи И. Потапкинми яцыхьэ телъ.
— Сэ Къалмыкъым сыщыIагъ. Тюльпанхэм зыкъызызэIуахырэ уахътэм тефэу мыщ цIыфыбэ къэкIо, IэкIыб къэралхэми къарэкIых. Ахэр самолеткIэ къыращэкIыхэзэ шъолъыр инхэу къэгъагъэхэр зэрызхэр арагъэлъэгъух, — еIо И. Огай. — Тэри Адыгеим ландшафтнэ туризмэр щызэхэтщэнэу амал тиI. Ащ федэшхо къытынэу щыт.
Ащ къыдырегъаштэ И. Потапкинми. Аэротуризмэм изэхэщэн мылъкушхо темыкIуа-
дэу ебгъэжьэн плъэкIыщт, — къыIуагъ ащ. — Ащ пае паралетхэмрэ мотопарапланхэмрэ къызтетIысхьащт чIыпIэхэр апэу бгъэпсынхэ фае.
Дэгъоу зызыгъэпсэфы зышIоигъохэм амали яI. Арышъ, парапланхэмкIэ къабыбыхьэзэ исп унэхэр, псыкъефэххэр, чIыопсым исаугъэтхэр зэзыгъэлъэгъу зышIоигъощтхэм япчъагъи мэкIэщтэп.
No comments:
Post a Comment
Note: Only a member of this blog may post a comment.