Шъеплъ зэ хьэхьэйци АдыгабзэкIэ тэтхэ зиIорэм итхыгъэ Урыс гущыIэу хэткупым, зэраIуагъэу къыхэтIэтIы.
Адыгеим экономикэ хэхъоныгъэмрэ сатыумрэкIэ и Министерствэ республикэм щыпсэухэрэр къыдэлэжьэнхэу къырегъэблагъэх
Адыгэ Республикэм экономикэ хэхъоныгъэмрэ сатыумрэкIэ и Министерствэ Адыгеим щыпсэухэрэр къырегъэблагъэх республикэм ипрограммэ документ шъхьаIэ - социальнэ-экономикэ хэхъоныгъэм истратегие итегущыIэн хэлэжьэнхэу. Республикэм хэхъоныгъэ зэришIыщт лъэныкъо шъхьаIэхэр а стратегием щыгъэнэфагъэх. Ащ диштэу республикэм социальнэ, экономикэ политикэу пхырищыщтыр къыхахы.
Мы документыр зэрагъэкIэжьырэм амал къытыщт хэхъоныгъэ ышIынымкIэ республикэм пшъэрылъэу ыпашъхьэ итхэр нахь гъэхъагъэ хэлъэу гъэцэкIэгъэнхэмкIэ положение заулэхэм ахэIэзыхьажьыгъэнэу.
Стратегием икъыхэхын фэгъэзагъэр министерствэм стратегие гъэIорышIэнымкIэ, промышленностымкIэ ыкIи къэралыгъо программэхэмкIэ иотдел ары. Ау ведомствэм испециалистхэм зэрэхагъэунэфыкIыгъэмкIэ, мыщ фэдэ Iофым республикэм щыпсэухэрэри, бизнесменхэри, общественнэ организациехэм ыкIи наукэм ялIыкIохэри чанэу къыхэлэжьэнхэ фае.
Тиреспубликэ тапэкIэ хэхъоныгъэ зэришIыщтым фэгъэхьыгъэу Адыгеим щыпсэухэрэм шIошIэу яIэхэр игъэкIотыгъэу зэрагъэшIэщтых. ЦIыфхэм яшIошIхэр къыраIотыкIынхэ алъэкIыщт ведомствэм иофициальнэ сайтэу www. minесоrа. ru зыфиIорэм къырагъэхьэгъэ анкетэр къызфагъэфедэзэ.
Адыгэ Республикэм экономикэ хэхъоныгъэмрэ сатыумрэкIэ и Министерствэ Адыгеим зэкIэ щыпсэухэрэр ащ фэдэ Iофтхьабзэм къыхэлэжьэнхэу къырегъэблагъэх.
Республикэм социальнэ-экономикэ хэхъоныгъэ егъэшIыгъэнымкIэ нэмыкI предложениеу щыIэхэми ведомствэр ахэплъэным фэхьазыр. Республикэм щыпсэухэрэм япредложениехэр министерствэм стратегие гъэIорышIэнымкIэ, промышленностымкIэ ыкIи къэралыгъо программэхэмкIэ иотделэу мыщ фэдэ чIыпIэм щыIэм къырахьылIэн алъэкIыщт: ур. Пионерскэр, 199-рэ е телефонэу 57-18-11-мкIэ къытеошъущтых.
Шъуипредложениехэм тыкъяжэ, тапэкIэ Адыгеим къырыкIощтыр шъоры зэлъытыгъэр.
No comments:
Post a Comment
Note: Only a member of this blog may post a comment.